مصطفى صبري / يكتُب : أنا متعطل

.أنا مش عاطل.
.أنا متعطل.
.ياللي سيادتك عمال تشتم.
.أرجوك بطل.
.
.أنا مش حابب أبقا عواطلي.
.انا والله ولا بإيدي حاجه.
.طيب جرب تبقا مكاني.
.لما تكون كده حابب حاجه.
.
.بس ولا بتقدر تعملها.
.ولا قادر توصل كده ليها.
.كل ماتبني ف أول طوبه.
.تلقا الناس بتكسر فيها.
.
.طيب مشي الحال قضيها.
.أي حكايه وجرب بيها.
.
.حاجه عليها يدوب تتعكز.
.بالبلدي يا عم من الآخر.
.بالجميز يا حبيبي اتجمز.
.
.تلاتين سنه واكتر بتجمز.
.
.والحل اللي مؤقت أصبح.
.مش حل مؤقت كده مره.
.بقا في حياتي الأمر الواقع.
.اللي ما منهوش مهرب مره.
.
.كده م الآخر.
.
.اللي مالوش في بلادنا دي ضهر.
.شاف الذل.
.وداق القهر.
.عمال يدفع من أيامه ودمه وروحه فشبكه ومهر.
.علشان يفرح.
. بس لشهر.
.
.حتى أبوك وامك وقرايبك.
.بيك وبحلمك ولا حاسين.
.عايزينك تضرب في الأرض.
.هوب قوام تطرح ملايين.
.
.شوفت فلان إبن أم فلانه.
.جاي من ليبيا جيوبه مليانه.
.جاب شقه وتوكتوك وإتجوز.
.أما احنا يا غلبنا يا شقانا.
.
.واللا حسام ابن أم رقيه.
.اهو جاي لسه من السعوديه.
.ومكملش الشهر إتجوز.
.وكمان جاب لمراته عربيه.
.
.اما إحنا يا فرحتنا ياخويا.
.عايز قال تطلعلنا إيه؟.
.هو انت مفكر ابوك باشا.
.سابلك ورث هنفرح بيه؟؟؟.
.
.قوم يا حيلتها.
.حلمك يابني ده كل مشاكلك.
.سيبك منه وعيش الدنيا.
.وما تنساش كده عيشة أهلك.
.
.بلا نفسيه.
.بلا خربانه.
.كل الناس عايشه وتعبانه.
.هي الدنيا تعب على خنقه.
.وشوية ذل على إهانه.

.
.ويعود تاني لأمره الواقع.
.شغال شغل ما بيحبوش.
.يلبس فوق وشه الحزنان.
.طول اليوم ييجي ست وشوش.
.
.وش الحب.
.ووش الطاعه.
.وش الراضي يإنه بضاعه.
.
.وش صياعه.
.
.وش اللي بيضحك ومفرفش.
.على وش يا مرحب وإتفضل.
.
.أرجوك بطل.
.وافهم إن انا حد كويس.
.
.أنا مش عاطل.
.
#أنا_متعطل
.
#مصطفى_صبري