مــجلة فريق " حالة شعر "
ليلة قمر
نشميه بصحراء العشق كتبت قصيدة
امواج رمال الصحراء نغمات عزفت
علي اوتار هبوب رياحها سطورها
والخيل ينتظر عيونها...
الاصالة بسطورها مجد...
بحروفها تغزلت برمال الوطن...
ورسمت قبله لتنثرها لبشر...
يا وطن مهما تناثرت رمالك...
انت تاج فوق الراس...
اكحل بعيوني ترابك..
لتزيدني شرف بطلتك....
يا نشميات تكحلن بنظرة بلادنا...
سيف الحق يثور ويكتب مراسيل
لنشمي غالي راح بخيله يدافع عن حدود
ويمكن يعود او يكون بطل...
زغرتي زغروته يا ام البطل...
النشمي رافع سيفه وكتابه حق
وما يهاب العدو...
تبي اكحل عيوني بدموع...
لا عيوني بشوفه الصحراء امل
يا نشميات تعالن نوقف قدام الغدير
ونسقي المياه للنشامة...
يستاهلوا الخير والمودة...
وبينتظرهم الشيخ بالمضافة...
ليشربوا فنجان القهوة...
حن اهل الكرم والجود...
حروف شكر لنشامة الوطن...
اليوم برفع راسي قدام النشميات
هذا اخي البطل رافع سيفة ضد الظلم
يكتب بدمه انا عربي بحمل رايه الحق
وطني كل الصحراء..وهوي بلادي بلسم
لجروحي...بترا
(صورة للزمن )
اخدت للزمن صورة
فى عز الليل
فشوفت قلوب بتتألم
وقلب عليل
وشوفت عروسة فستانها
طويل وجميل
وشوفت عروسة مرمية
فى حضن النيل
وشوفت شباب بيتكلم
يبيع مواويل
وشوفت مريض بيتعشى
دوا ومحاليل
وشوفت بنات بتتمشى
فى حلم جميل
وشوفت بلادى من بره
جميلة كتير
جربت اشوفها من جوه
لقيتنى ذليل
فى شاب هناك بيتكلم
كلامه كبير
كان حلمه يكون فى يوم حاجة
نايم فى سرير
اتحط جدار قصاد حلمه
لانه فقير
وشوفت الناس بتحسبها
معاك وبكام
ونسيوا بكره هنسيبها
حياة أوهام
وناس كات واقفة بتصلى
معاها امام
وناس بالخمرة بتحلى
حياتها كلام
وناس بتنادى بالتغيير
فنزلت دمعة من عينى
فى حضن الليل
اخدت الصورة تحيينى
خليتنى عليل
غنيت مع نفسى فى الوحدة
يا عين ويا ليل
عديت الخطوة بالوحدة
لقيتها كتييير
فكرهت انى اشوف الليل
#ميزووووووووووووووو
ماشى ولا بايدى الوقوف
والدنيا ماشيه كمان بخوف
والشعر ايه غير الحروف
والرك عالشاعر وذوقه
والعمر لو علقم حادوقه
مضطر اعيش
عشان مافيش
تيار مساره ضد الظروف
ماشى ولا بايدى انتظار
من غير هزيمه ولا انتصار
بخاف اواجه انكسر
وبخاف اكون سبب انكسار
عايش حصار مع انى حر
من برا عادى ..افيد ..اضر
من جوا حاسس انى هش
برج اتبنى فى اساسه قش
او نعش يستر ما انكشف
او فيض شغف باللاوجود
من غير هدف
من غير حدود
من غير ملامح فى الطريق
ماشى ولا بايديا شئ
حاسس كأنى
غصب عنى
مضطر اعيش
مضطر اكون
مضطر اكسب
مضطر اكدب
مضطر اصون
مضطر بعد الاضطرار
اعيش محتار مابين حاجتين
مايختلفوش فى مضمونهم
الاضطرار
الانتحار
وما بينهم سنينى عجاف
لا بتهدّى ولا بتخاف
ولا شاف العذاب قدى
ولا ضدى ولا معايا
وجوايا ...
انا ضدى
لأن المشكله عِندى
وخوفى انى امشى طول العمر
لبعد نهايات الحياه بمسافات
لحد الصراط
وانا مضطر
#ahmedabdellateef
لأنك عنيدة
وكارهة لوجودك في صلب القصيدة
وكارهة أحكي عنك ف هأسكت لأنك
لا كنتيلي عبلة في عنادها ووفائها
ولا كنتي ليلى بحجم إشتياقها
ولا كنتي شجرة بتحضن ورقها
في فصل الخريف
ولا كنتي نسمة بتطلق هواها
في صيفي السخيف
ولا كنتي مأوى ولا كنتي تقوى
حاولت إني أقوى وبأفضل ضعيف
ف تستحلي دوسك بلوية دراعي
يازايدة في عنادك بدون أي داعي
وغلطي إني بأطمع في شيء مش بتاعي
بمليون دلالة
ساعدتك في وجعي وذلي وخداعي
خدتني الجلالة
وعدتي بأني مفيش ضلع مني
هاينضام لكني بأموت م الكسور
أديني في نهايتك مفارق حكايتك
وبصي لمرايتك وزيدي الغرور
قوليلهم ركعلي وباس طرف نعلي
ورخصته باعلي الحنين والشعور
قوليلهم وقولي ولازم تنولي
مكافأة وصولي إلى المنتهى
ياسكة وماشيها ماليش يد فيها
ويوم ما أشتريها تبيع نفسها
#أدهم
***رني رنه...!!***
.............
رني رنه...
رني رنه.. وطمنيني..
وإن مرنتش اطلبيني..
دا المكالمه بقرش ساغ...*
وأما أرد خلاص عليكِ..
متجبيش سيره العتاب..
أصل أنا عامل دماغ...*
بُصي جنبك بُصي جنبي
لو يكون حد شايفنا..
أحسن أتاخد تعاطي..
ولا يكتبني بلاغ...*
..................
أصلي شارب قهوه مُره..
رغم إني في كل مَره..
بأسهر أعملها زياده...*
بس تطلع برده ساده...*
مُش بعاده...
تبقي جنبي ومتجنيش...*
تبقي فا يته جنب بيتي متسأليش...*
هوه بُخل في المشاعر ولا تُقل
لو يقولو التُقل صَنعه
لجل خاطري متتأليش...*
رني رنه واطلبيني...
مُش هَرد .....متزعليش...*
...................................
#سمير_شومان
أرايت ؟
الم اقل لك يوما انى .. اكره الدموع
فتجاهلتنى
فلتعلم اذن انها جمعت من القهر .. ينبوع
فلتشرب منه
وتجنى من وجعك لى .. قهر مجموع
اقسم
بحق رب محمد ويسوع
ان ذنبك
جعلنى اعيش فى الياس ..ربوع
رفقا بقلبى
فانه حقا لم ولن يستطع اليك ..رجوع
#سحر
مركب وشمس وبحر وشريط قطر
#دار_الحلم_للنشر
*** إتعودت..!! ***
إتعودت..
إتعودت أحاسب نفسي
قبل ما أحاسب كل الناس..
وإتعودت أعاتب نفسي
_ لو غلطان _
ودا عَندي أساس..
..
وإتعودت إنْ أنا لو هأشكي
إنْ تكون شكوتي لله..
وإنْ أسَبَح ربّي وأصلّي
وإنْ تملّي أبقا معاه..
..
وإتعودت إنْ أنا مأبكيش
حتّى فى عِز ما أكون مَوجوع..
وإنْ ما أمدش إيدي لغيري
حتّى لّو راح أموت م الجوع..
وأما تِضيق أيامي عليّا
ولاّ الدنيا تُغدر بيّا
صعب تلاقي فى عيني دِموع..
..
قالو عليّا زمان من صُغري
إنّي مَبعرفش التكشيره..
لَكن بَعد زماني ما عَجّز
بَرّسم ضحكتي بالطباشيره..
وأمّا حاولت إنّي أضحك مَرّه
قامو سجنوني
وقالو الضحك أصبح غالي..
وأمّا سألت تُهمِتي ايه
قالو بتضحك وبصوت عالي..
..
وأنا مِتعوّد.....
ربّي ميحرمكوش م العاده..
إنّي أما أشرب فنجان قهوه
يبقى زياده..
قالو هنعمل بُن مِحوّج
قوّلت دي فُرجت
القى الفنجان عاده وساده..
بس دي عاده..
..
لمّا بأقوم علشان أتكلّم
يبقى كلامي يا دوب ع الأد..
والغلطان أنا أقولّه فى وِشه
أنا معرفش أجامل حد..
بَس بأحب أعيش ببساطه
حَبه هِزار وشويه بجد..
..
متعودتش أبص لغيري
واللّى في إيده خلاص مُش ليّا..
وأمّا بأحب بأطيّر طيري
_ وأسيبه يلف _
لّو هيلوف هيعود لإيديّا..
وإنْ يوم شَط بعيد أو حَط
يبقى أنساه مَيلومش عليّا..
..
هيّه عاداتي ودي تقاليدي..
صعب أغيّر ولاّ أبدّل
أصل أنا عَندي عرق صعيدي..
بس حاولت إني أكتب ليكم
وأعرفكو عاداتي بإيدي..
..
#سمير_شومان
قصيدة #صورنا_القديمة
كل صورة عليها تضحك
كل كادر غريب اخدته
الشنب رمز الرجولة
لما لاجل عينيها سيبته
واما وشك كان مشلفط
اصل ضحكو عليك .. حلقته
حولة العين اللي سارحة
لما اخدو اللقطة فاجأة
فتحة البق العجيبة
قدام مسلسل كله رقة
واما ضبك غصب عنك
بان لان الضحكة صادقة
كومة القشر اللي تحتك
وانت بتأزأز تسالي
والصوابع فوق دماغك
عاملة شكل قرون مثالي
كل مرة عينيك تشوفهم
تبتدي الضحكة تلالي
لكن الفرجة بتختم
باللي مش معمول حسابه
دمعة العين اللي تسأل :
كل دا راح فين ياغالي؟
#بث_كدا
#وليد_مقار
#بتحلف ليه
بتحلف ليه
ما أنا مصدق
الغربة
قد إيه
بتخدك مني وتحلق
دموع عينك
وأنت بتميل
وبتهمسلي
تحكيلي
بتنسفلي
لحظتها
في سدودي
إللي بابنيها من إمبارح
علي نيلي
ومهما أحاول
أرمم أي شيء فيها
بتتشقق
بتحلف ليه
متحلفشي
أنا مصدق
واصلني مر إحساسك
فمتخافشي
مش هنطقها
معلشي
وأسحب نظرتك
وأمشي
صدقني
أنا بعرف من المكتوب في النني
و دلوقتي
إللي بشوفه في
عيونك
يطمني
بإن المد بيغطي مساحة الأرض
وأي خطوط بتقسمنا
ف المساحات
بقت متساوية
طول X العرض
ومين لما أمواج البحور هتمد
هيقدر بس ع الطوفان
و يستقوي
دا إنت ودمعتك أقوي
من أي حاجة هتسند
جدار السد
متحلفشي
وليه نبضتك ديا
هتتلون كدا عليا
دقة قلب مجروحة
متكدبشي
و لا تغرق
بتحلف ليه
أنا مصدق
متحلفشي
محمد صبري
عيونى ف الوجع كلمات
عيونك صعب تفهمها
مابحكيش وجعى غير ف سكات
ف شفرة صمتى تسمعها
كلام صوته من الاحساس
حروفه بتجمع المعنى
أخاف لو احكى فيها حاجات
عيونك نازلة دمعتها
عيونك تلمس الاحساس
تحس بجزن ف ساعتها
تدور ع ظلمة وليل
تنور فيها شمعتها
الشاعر على الصعيدى
#على_الصعيدى
نفسي نبقى شعب واحد
شعب يوم يغضب يثور
شعب يبني م الضمير
الف سكة وألف سور
شعب يطرح من حياته
كـل كـلمة فـيـهــا زور
يجمع الحب ف صفاته
كـل ضلـمة تبقـى نـور
#سيد_طه
قاعد لوحدك
وسط زحمة ذكريات
بتفكر ويا تفاصيلك
وحياة بيغلبها سكات
جه ع بالك واحد مات
انت متعرفش لكن اصﻻ
راح عند ربه من سكات
وف لحظة دخل تفكيرك
تسمع صوته
تمسك تليفونك ف حنين شوق
وترن لكن مفيش اى ردود
زاد قلقك ع اﻻخر لكن
بتطمن نفسك انه موجود
مشهد متعاد مشهد مردود
بتفكر ازاى توصله
مش عارف ليه وﻻ اى حدود
مهو اصله فارقك وف لحظة
من غير ما يرد بأى ردود
افتح بروفايله واطمن
هتﻻقى اكيد واحد موجود
مشهد متعاد
فتح بروفايله كالمعتاد
شاف واحد مات
ندم ع لحظة فراقهم
ودموعه بتنزل وسط ثبات
ندم العمر باوجاعه
وجعه ف القلب واهو قلبه مات
نصيحة ليك وم اﻻخر
اوعا تفارق من غير ميعاد
القلب جراحه تكون مرة
وذنب فراقه اكيد مرااااات
الشاعر على الصعيدى
#على_الصعيدى
يللي إنتو فاكرين العلام
بيكون فقط جوه الكتاب..
دي الدنيا أكبر مدرسه
بتعلمك... بس بحساب..
مش فارقه سنك كام سنه
شيخ إنت ..أو لسه شباب..
..
#الدنيا
#سمير_شومان
تحت شعار الوجع
ماشية خطاويها
إيدين تطبطب هنا
احضان تدفيها
و دموع بتستعطف
قلب الرجال بيها
و آهة تحكي الألم
ف دموعه تداويها
واه لو تعرفي
بكل لحظة عذاب
راح تنكوي فيها
و بيجي توصيفك
مركب .. بتتمايل
على كل مراسيها
مخلوقة من كدبة
ف يوم تنوليها
كل النسا منك
متبرأة انك
تنتمي ليها
#تحت_شعار_الوجع
#ايما
-----------------------------------
مع العسر-----------؟
في ساعة عسر
يأخذك العسر
إلى وحشته
شيطان العسر
يريك الظلمة
يستدرجك
إلى قاع العالم
تتنفس من ثقب الأبرة
ظلمة كون في صدرك
يخنق فيك الأمل
فتذكر بئر يوسف
في محنته
وتذكر رحما جئت منه
هل تذكر عتمته؟
كنت عدما
فصرت علقة
وسواك رب العزة
بمشيئته
وتذكر بطن الحوت
وسد النار
في ساعة عسر
أهرب من نفسك
إلى خالقها
تسبيح يهزم
شيطان العسر
توبة صدق تأويك
في جنة ملك
يعرف سر النفس
وأخفى
قاوم ظلمة عسرك
وتذكر لولا ضعفك
ماكنت خليفة
--------------------------------
شاكر محمد المدهون
17/12/2014
النص ده يُكتب إِيفائاً بالغرض
النص ده مــ لمُفترض..
يُكتب بـ روح الفضفضه
يكِتب حروف مضمونها خوف
سايع اللى جاى واللى انقضى
أنا بنعى ناس مـ اللى الهوىَ
صَابهم فـ صابهم..
وبحكى وجعى عـ الملأ
صابنى ما صابكم
بضحك أوووى..
وبدارى دمعى بضحكتى
وأسرررح وأغيب
فتّْوه فـ عينى دمعتى
فأضحك كتييررر..
سلمت روحى للهوىَ
قلبى هوىَ..ومَتهوى
وأنا مُش بصير
والحب عمره ما كان إرادة
ده كان مصير..
سلسال وجع مربوط عُقد تنزف دموع
وعنيا من كتر الأسى قفلت حداد
كان ظنى إن الحب مَيضرش جدع
ونسيت بإن الظن إِثم وجرحى حاد
آلم السُهاد..
وسجايرى أخر الليل ونارها فـ جتتى
ودموعى من كُتر إحتضارها فـ سهرتى
وخدودى من كُتر إحتضانها للدموع
واقفين صفوف بالدور لروحى يطبطبوا
وبــ إيه تفيد الطبطبه؟!
طب طبطبوا..
وقاموا عنى وفضفضوا..
ولموا باقى الملحمه
من بين ضلوعى وسربوه
واِتسرسبوا..
على محض لَيلى وسلسلوه
طب إيه زادوه ؟!
والأوليا صلوا قضىَ
لجل الوعود ترجع تعود
فرشوا الأراضى بالورود
وأنا لسه روحى مشعلقه
يا مسئولين باب المقام
مشاعرى جوه مشققه
الروح هدد.. وأنا عاوز أنام
عطشان فرح ناقص حنان
نَووووح يا حَمام..
الجسم نام..والجرح قام
ودموعى سابقانى الصلاه
بتوضا من سرسوب بُكىَ
طمعان فـ رحمه مـن الآله
العقل تااااه..
والجفن من وجعه اشتكى
هل من دوا ؟!
يشفينى من نار البعاد
راضى ياررب أنا بالقضاء
ساعتين وجع ساعه فضا
تهدينى بقصادهم رضاااا
#هشام_وافى
#سؤال_وعلامة_استفهام ؟!
محدش عارف بكاها ليه
و لا الدمعة عشتها أزاي
و لا الضحكة سببها إيه
و لا انكسرت في يوم من إيه
و لا قامت تاني أزاي
و لا انتفضت و لا ثارت
و لا كتافها شالت ايه
و لا زهدت و لا احتاجت
و لا صبرت و لا هانت عليها أزاي
و لا حبت و لا كرهت
و لا عيونها خانتها بأيه
و لا القلب مات أمتى
و لا السكه اللي مشيت فيها
كنت سهله كنت صعبة
كنت وعرة مع الأيام
لأن البنت يا سادة
سؤال وعلامة استفهام ؟!
#وسام_القاضي
جوانا مشاعر وجعانا لدرجة إننا مش حَاسينّها
من كتر ما دابت ويانا أحزان فى الروح مش لاقينها
وحاجات بنحسها خنقانا نيجى نفرح تسبقنا دموعنا
نيجى نحضن حد بنشتاقه نلقى المردود منه وجعنا
يا حيطان الدار دارى وداعنا
كام واحد شارينه و باعنا ؟
والقلب الــ عاشقينـــــه خدعنا
كام ضحكة بلياتشو بتـنـتش
شئ مؤسف مرسوم فى ملامحك ؟
وإن مره غلطت ومش قصدك
كام واحد على غلطك سامحك ؟
ما تجــرب توزن أيامك
إجمع افراحك أحلامك
شبابيك الحب فــ أنغامك
واحسب كام صاحب يوم خانك
كام لون إتبقى فــ ألوانك
كام حد إتغلغل فــ قصايدك
بقى دم وساكن شريانك
وفــ لحظة إنكسرت أشعارك
واختل الوزن فــ أفكارك
والضلمة أهى شرقت فــ نهارك
والحزن إتخط على جبينك
وفــ عينك دمعة بلياتشو
سكناك من لحظة تكوينك
تيجى تضحك فـــ القلب يعافر
علشان مايخبي دموع عينك
وفـ عز التوهه وأحزانك
بيمر شريط من قدامك
صورتك فــ مرايتك بتنادى
ع الماضى فـ شَرطة تقاسيمك
افتكر المشهد ها تلاقى كام نقطة مضيئه فــ تعاتيرك
والضحكة بتمسح فــ دموعك
فأخنق ف الخوف وقت وداعك
واهرب م الشوق وقت رجوعك
كلماتي / مني عمر
أنتِ لي أحلى راحه
بعد عمر من التعب
أنتى لي كون بحاله
والسعاده بدون سبب
ضحكه صافية ف عز حزني
علمتي قلبي الأدب
#حازم_طارق
