على الصعيدي/ يكتُب : ذكريات وسط البلد

قصيدة رأس السنة
بعنوان 《ذكريات وسط البلد》
المكان :-
وسط البلد ف القاهرة
الزمان :-
آخر السنة
قاعد لوحده ف المكان
وبيفتكر اول لقا
شعلل حنينه الذكريات
حس بدمعة حنينة
___________________
اول لقا كان ف المكان
اللى جمعهم من سنين
نفس المكان موجود فيه
كلمتين كانوا مكتوبين
____________________
كلمة بحبك كلمة حبيبى
خليك معايا انت روحى
انت السند وانت المكان
انت اللى بتطيب جروحى
كل ده كان ذكريات
رايحة لفين يا روح
وع فين تروحى
____________________
بص بعينيه شاف المكان
كلمة بقلبه مكتوبة
هعمل اللى يقدرنى بيه
رب البشر يا حبيبتى نوبة
هحاول اكون دايما معاكى
دى روحك فيا محفورة
ليه بس تبعدى من سكات
يا احلى ضحكة ف الصورة
______________________
فاكرة زمان من كام سنة
عاهدتى قلبى تفضلى
نفس المكان شاهد علينا
الحب يفضل منيتى
يا حب دايم من سكات
حبك هيفضل سكتى
______________________
فى مثل هذا اليوم كمان
قلتيلى هفضلك انا
وهعيش معاك اجمل سنين
بالحب ده متلونة
عهدك ده فين / وفين المكان
يا ضحكة حزينة مدمنة
ادمنها حزن وجرح قلب
مش بيرة ووسكى وفننا
______________________
مش هنسى كلمة منك ف يوم
انا خايفة من احداث دى سنة
خايفة تنتهى ويبقى اللى بيننا
ذكريات جرح والم هنا
ايوة المكان لساه هنا
بس فيه ناس مش هنا
انا بعتذر لنفسى على
كل حاجة حصلت هنا
حبيت بجد حد خان
ودى بقت ذكرى معلمة
نفس المكان كان ف القاهرة
والزمان آخر السنة
معلش طولت عليكو / يارب تكون سنة سعيدة ع قلوبكو
■●‫#‏علے_الصعيدے‬●■
■●‫#‏لمين_هعيش‬●■