بص في عيون البشر بقلم الشاعر : محمود رضا

بص فـ عيون البشر / تلقى الحقيقية المبهمه
نبض القلوب متئلمه
تلقى الرموش بتكلمك ،،
بتفهمك ،،
تقفل و تفتح ،،
ثم تنزف الف دمعه تعلمك
ان الحقيقية مش كلام
وﻻ شِعر متحنى بـملام
كام الف شاعر ابدعوا فــ وصف الغرام ،، !!
كام الف عاشق غردوا بــ أحلى الكلام ،، !!
بس الحقيقية ،،
مش هتلاقيها غير فـ احداق العيون
مرسومه وشم / جوه طيات الجفون
تقدر تكون ،، !
تقدر تكون للدمع قاري ،، !
تقدر تصون نبض الهوى / و مهما كان تعيشها شاري ،، !!
قبل اﻻجابة ما تهلكك
و تتوه فـ اطغاث امنيات
صدق حقيقة بتهمسك
الدمع نبض ،،
و الــ ﻻ دموع / عنوان لــ ( كان ) / بالمختصر انسان و مات