وبفتكرك بقلم الشاعر : محمد حماده

جمالها كان اوبال شفاف 
شبابيكها قُبال عينى 
ونورها القلب عمره ما شاف 
مثيل زيه 
ماسات ألماظ 
يابنت الناس أنا المحظوظ 
عشان ناب العيون ضيهُ 
بلاش تسيبيني وحديا 
ضعيف والروح مهيش ليا 
بقت مِلكك 
وقعت وسكتي ليكي00
ما أنا المأسور وأنا مالكك 
وأنا المكسور في حين قوة 
أنا العاشق معاليكي 
يا جايبه الحس من جوه 
مداويه الحب بالصدقه
ما تعطفي ع اللي متشعلق 
في قلبك لأجل يتداوى 
بلاش التُقل وحياتك 
ما لو فعلك جفا ع الروح 
أكيد العين دى كات صادقه