لسه عايش بقلم الشاعر : شريف ممدوح

لسه برده .
..ناقصة سيكا 
عايزة غمزة
حرف همزة
نفسي اهاجر 
كوستاريكا
حاسس إني مش تمام
عندي حالة إنفصام
بين مبادئي و بين خيالي
وإني رافض كل حالي
لسه برده ...نفسي أفرح
...بس حتى
الفرحة ناقصة..
...ناقصة واحد .
..كان مابينا ..
.قال و غنى ...
عن حكايته
..وعاش ألمنا ...
مات شهيد
وراح ل جنة ...
بس ساب
ف حياتنا معنى
لسه برده
المعنى ناقص
لسه مش واصل
وحاسس
المواقف و الحوادث
عاملة ف دماغي كوارث
لسه برده
ب اتمنى صدفة
تيجي قصة
حب خاطفة
..مرة واحدة ..
.الأقي شحنة
...من المشاعر
..غصب عني
أبقى طاير
تطرح ف عيونك
...بشاير .
ألمح الفجر يشقشق.
..أسمع العصافير تزقزق
أحس مرة إن قلبي
..لسه عايش حي يرزق