ماركة شارب ..بقلم الشاعر / محمد صبري

#ماركة شارب

بخاف لأحلم
ألاقي الحلم متحقق
وظله أسود
متلفلف علي رقبتي
وتصبح أرضي بتشقق
وما بيدي
كل ما خطوتي تعدي
الشق يمد من بعدي
و أخاف لاعدي
إللي أدامي
وإللي ورايا
حتي يميني وشمالي
كتفي وبس عتالي
وأقول مالي
م أشد لحافي وأتغطي
بنسي ليه قبل ما
أخش تحت غطايا أتوضا
فأشوف في الحلم
سكة ضباب
وأتنفس تراب ف تراب
وليه الحلم  شرق و غرب
دا ماركة شارب
متزوق
وليه  أنا  بس
طول الحلم يا عيني عليا
بتخوزق
ودراعاتي ورجليا
وهلما
متفرقين
مش متجمعين أمة
طب بالزمة
دي يبقي حلم
وإلا أنايا هنعديها
ف أول خطوة
راح  نغرق
)مرسل مني حتة حلم لتمام العلم(
إتفرج
وبكرة تشوف
و تصدق

محمد صبري