متخيل وانت فى طريقك
والهاند فرى زى صديقك
بتقلب فى الـ mp3
بتحاول تتسلى وتسمع
بالصدفه تقابلك اغنيه
مليانه بالذكرى اللى بتوجع
فا بتسمع اولها وتسرح
والعالم يتحول مسرح
مرة بتحزن مرة بتفرح
وكأنك عايش فى السيما
والناس فى حياتك ابطالها
حكاياتك مشاهدها قديمه
غصبن عنك تتذكرها
كالحب الاول فى حياتك
او صاحب ندل فـ يوم فاتك
او شلة كليه وجامعه
وحاجات اتعملت فى طفولة
من كى جى لدفعة سنه اولى
بتغمض عينك اوقات
وبتضحك على هبل الدنيا
والذكرى اياها بالذات
فتدمع عينك لو ثانيه
تتمنى سنينك بيك ترجع
تتحول عيل لو ينفع
وترتب لحظات ايامك
تختار مـ الاول احلامك
وبيجري معاك الكوبلية
وكأنك نايم وبتحلم
وبتسأل نفسك انا لية
مافضلتش عيل / كان احسن
كلماتها كأنها مرسومه
وبتحكى حاجات اتمنيتها
من كتر ما كانت مكتومه
اهى صدّت ما الدنيا باريتها
وتعدى اغانى كتير ياما
بتمثل ذكرى واشخاص
وكأن حياتك اغنيه
واللحن عباره عن الناس
#هاندفرى
#_احمدخليفه
مــجلة فريق " حالة شعر "
الاثنين، 29 فبراير 2016
هاند فري ...بقلم / أحمد خليفة
0 التعليقات
الاشتراك في:
تعليقات الرسالة (Atom)