ف قصة عشق مجنونة
كات قصة جميلة ف الغالب
بدات بضحكة مسكونة
بالحب وطبعا شئ غالب
كان ايد ف الايد من وقت يا دوب
لكن قلبت بفراق وارد
القصة من الاول ضحكة
كات فعلا ضحكة بريئة
م الايد للايد كانت فكرة
يحلمو والحلم اهو بايديهم
والحلم اكيد يبقى حقيقة
واهو حبو خلاص مشيو السكة
راسمين الحلم حياة لبكرة
واهو كلمة كمان فيها بحبك
بقوا فعلا احلى اتنين عشاق
والقصة اكيد فيها مخاطر
لو سكتهم تختم بفراق
اتفقو خلاص يمشوا يعدوا
داخلين الصعب وبيتحدو
سلكو طريقم وبيتواعدوا
ومفيش قصة بتكمل اصلا
يمكن من غير ما احكى الاسباب
الفرقة خلاص دخلت بينهم
وطريقهم اصبح مش واحد
واهو بعد ما كانو بيتواعدوا
بقى بينهم حتى طريق باعد
وخلاص اتفقوا يتفارقوا
اصل حكم ظروفهم واحد
واهى مشيت عاشت بجروحها
وهموم القلب بتدبحها
واهو هو يا دوب ماشى السكة
ولسة كمان عايش فكرة
الوقت اساسا بيعدى
كام سنة عدت لكن غايب
واهى عايشة كمان ع الذكرى
وبتستنى الامل الشايب
يمكن عاشت ذكرى حبيبها
لكن هو اساسا شايب
الفرقة دى كانت سكتهم
الفرقة بتجرح ف الغايب
يا قلوب مشتاقه مبتقولش
الجرح ملوش اصلا صاحــب
ما تعيدو الوقت ليوم ماضي
وقت ماكان الجرح ده غايب
الشاعر على الصعيدى
#على_الصعيدى
0 التعليقات