إديني الجرعه .... بقلم / هشام الدكر

قصيدة:(إديني الجرعه)
....................................................
إديني الجرعه عشان انسى
كل اللي حصلي من الدنيا
عايز انسى عذابي وأيامي
وأنسى وياها حجات تانيه
عايز أنسى ناس انا حبيتهم
عايز أنسى ناس كانت ليا
خدوا مصلحه مني كانت ليهم
وراحت منهم الحنيه
إديني الجرعه بتتسرسب
والمصل ده بيفرتك فيا
عشان أنسى حبيبتي اللي خنتني
طلعت  زييهم  مؤذيه
فتحتلي الجرح اللي فقلبي
ودموعي على الخد مرميه
نسيني عذاب وطني اللي رميني
وخلى عيشتي دي وهميه
وطني اللي سيبني ونسيني
وخلاني اشك ده فيه و فيا
إديني الجرعه انا بتعذب
نسيني عذاب الروتينيه
نسيني قانون ويا قواعد
ده كلام هرى اوراقه مرميه
نسيني واحد اديته انا
أكتر من حقه غلط فيا
إديني الجرعه عشان أنسى
كد إيه مصاريف جايه عليه
والحاجه اللي غليت خالص
والله دي مكنتش مهيه
أنا عايز أنسى كلام الناس
ده جرحلي قلبي بجديه
ولا اكونش علشان انا حساس
كلام الناس بيجرح فيا
إديني الجرعه عشان أنسى
كل اللي حصلي من الدنيا
....................................................
بقلم الشاعر/ هشام الدكر