عيد الحُب للشاعر/ هشام الدكر

قصيدة:(عيد الحب)
...........................................
هو ايه عيد الحب ايه
هو يوم واحد تحبه
وتديله الورد فبوكيه
تيجي تاني يوم تسيبه
هو ده المفهوم يا بيه
ما هو خلاص فرحتوا يوم
تاني يوم هو انت مين
ولا حتى انت ايه
وكأنه اول يوم يشوفه
في الحال ده هنعمل ايه
حتى الطفل عشر سنين
كان ماسك الدب ف ايديه
شفته قام مديه لبنت
في  نفس  عمره
ده  يبقى  ايه
خد يا ولدي تعالى اقلك
خدت الرضعه ولا لسه
والكفوله جرالها ايه
ايه يا شعب فضيتوا خالص؟
وعملتوا يوم للحب عيد
قلي بس هو انت مؤمن
بإن الحب بس يوم
ولا انت وخدها فرصه
علشان تكوي الهدوم
وإنتي يا بنتي تعالي
مسألتيش نفسك فى يوم
هو ايه العيد ده هو
غير فسحه ملهاش لزوم
بتعملوا فيها حبايب
وويا بعض مأنتمين
وتاني يوم تبقوا سناجل
وبالشتيمه متسيطين
شفت حضرة الإمام
لما قال إن ديه بدعه
وإنه عيد ملهوش اساس
ولا جه فحديث ولا آيه
نعمل ايه كده ولا ايه
غير نقول عالدنيا السلام
وارجع تاني اقلكم
الحب عمره مكان ليوم
ولا ورده في البوكيه
الحب واحد حب وحده
عهد دايم كان ما بينهم
واتفقوا وعاشوا عليه
...........................................
بقلم الشاعر/ هشام الدكر