سيد البالوي يكتُب /اشتقت كتير

اشتقت كتير أنا يا حبي قصيدة للشاعر الناشط الثقافي سيد البالوي
ف القلب الباحث عن قلبه
ملايين افكار وبتسأل ليه ؟
هو الإنسان اذا محبش
ممكن يفضل جواه إنسان !
مندهشة طبعا من شعري
ما أنا عايش دولة من الاحلام
وبفكر فيكي وف الثورة
وبفكر هو العشق حرام
طب ليه فيه ادم مع حوا
وازاى فيه ناس بقلوب اصنام
والشمس الغضبانة غضبها
بينور عالم كله ظلام
والصخر بيشعر وبيعكس
زي القمره ماهى قلب صخور
بس الصخرة قلبها بيلين
اما الانسية مهيش صخرة
ف القلب الباحث عن قلبه
اشتقت كتير القى الإنسان
اشتقت كتير أنا يا حبي
والشوق خايف ليعود ندمان
ليعود كاره انه اشتقلك
ليعود كالورد بقايا حنان
والشعر الالطف م الطفلة
يتعذب جوه المعتقلات
اشتقت كتير أنا يا حبي
اشتقت لحضنك والقبلات
أعجبني