هشام الدكر يكتب : بصوت شحات

(بصوت شحات)
أنا الشحات أنا الغلبان وبتألم
قي عز البرد متغطي
ونايم عالرصيف ملفوف
نظرات الناس بتحسسني
بقد ايه انا ملهوف
للقمه تسد ليا الجوع
وظهر عليا أثر الخوف
ملامحي أتغيرت خالص
ومن نفسي بقيت مكسوف
لكن مضطر اكون شحات
علشان مرضي وفقري كمان
ولما يقولوا فين شغلك
بقول عاطل ما كله ماشي بالباطل
ظروف انا فيها جبراني
طاب ليه يا دنيا عيزاني
سبيني اموت
بدل مقعد انا مكبوت
انا عايش ومش عايش
وبتكلم كده بدون صوت
مشيت مسافات علي رجلي
بضور او بشوف رزقي
وشفت العطف في عيون ناس
وشفت الشر في عيون ناس
بيفتكروني انا بمثل
لكن والله دي حقيقه
ده جسمي من الرصيف نمل
بشوف اطفال مع اباؤهم
يشاوروا عليا ويقولوا
بابا مين ده؟
يقول شحات يقول مجنون
اهه زي ما تيجي يقول
لكن دي ظروفي جبراني
اكون شحات لكن راضي
وبحمد ربنا الهادي
في اخر اليوم
وزي انا ما نمت هقوم
وده يومي انا الشحات.
............................................................................
بقلم الشاعر/ هشام الدكر