مشي وفارق دنياتها
بعد ما كان كل حياتها
رسمت ف خيالها حكايات
كتبت حبها رويات
لكن هو عشان انسان
حب يلون ف الكلام
بعد ما حفر ف قلبها جسر
قدر يوصل للغرام
واكمني قلبها طيب
عايشة تملي ف الاحلام
فاكرة كل الناس ملايكة
بتحلي مرار الايام
عشقت روحه الحلوة .. والغنوة
بنلها م الهوي اوهام
وفجأة بعد غياب فاقت
بصت لقيت روحها هايمة
وعايمة في بحر الأحزان
وحيدة غريبة في دنياتها
كرهت غدر الانسان
اخيراً فهمت ان مافيش
ع الارض ملايكة
مسحت دموعها
طبطبت علي روحها
لاجل ما ترجع تلم وجعها
وتلحم قلب كسره الزمان
جني هاشم
0 التعليقات