#يامغرمين_بالشعر
جاية بجبَروتي
قلبي الأسير اشتكى
من خوفي وسكوتي
قلمي الجماد نطق
ناوي على موتي
قطر الجواز عَدّى
وسألني هتفوتي؟؟
كان ردي قولت لاء
من إمتى كلمة حق
كانت بترضي الجهل
ومن امتى كلمة اها
كانت تسُر الأهل؟؟
ومن هنا ورايح
ولا ماشية بعاهاتكم
ولا اطيع تقاليدكم
ولا اعيش معاناتكم
ولا اموت كده بإيدكم
ولا هرضى بالواقع
واقول نصيب مقسوم
ولا اقبل اكون خاينة
ويكون في يوم مظلوم
ولا اشيّل ولادي الاسم
الا اما اكون عاشقاه
ولا اكون رخيصة بجسم
ولا هبقى لعبة معاه
قلبي مهوش فُلاذ
ولا برضو عيني إزاز
بالسهل تكسرني
ولا هقبل ابقى مَلاذ
ده العقل حرّرني
خلاص هدير حُرّة
#هديرالسعدني
0 التعليقات