الشاعر / أحمد الصارم يكتُب : أنا أبنك .... بشرع الدين

وعايش فيكي مش عايش
ماتتخضيش..ماتسألنيش
انا اللي وقعت م الحسابات
وانا اللي وجودي مابيرضيش
وانا المخلوع ومش دوكها
وانا المقتول عشان دوكها
وانا الشكوي ...وانا اللي مفيش
وانا الجاني عشان ساكت
ومجني عليه ف نفس الوقت
.وانا الشايب ابو العكاكيز
وانا الفرحان بشبابه ف يوم ماغرقت
انا الفتافيت وانا البقشيش
انا النايم ف ضل الحيط
وانا اللي ورمت م التخبيط
وانا الطير اللي كان ثاير
ف قلب ميدان طلعله الريش
وانا الصرخة بصوت الجوع...انا موجوع
وانا اللي صعبت علي نفسي..
وانا اللي حلفت بترابها وبعفرها
وانا اللي مسحتله الكرسي....!!
وبعد ده كله كان تلطيش...!!
انا اللي وقعت من طولي
وانا الزحمة وانا التخنيق
وانا اللي بموت علي علاوة
وعفش البيت خشب صناديق
وانا اللي بيجي نص الشهر
ومش لاقي رغيف العيش...!!
انا المنسي ...وليه تنسي
ده انا اتغيرت لرومانسي
عشقتك وانتي نسياني
ورمياني وكرهاني وحطاني
ف خانة اليك...!!عشفت الزك
عشقت البهدلة وراضي
عشان ترضي...ودوقت السك
وسيباني اتوه في الهييش
بحلف قلبك الطاهر بمية حلفان
بالف يمين...انا ابنك بشرع الله
بشرع الدين...!!
‫#‏احمد_الصارم‬