ياما كانوا وياما كنا بقلم الشاعرة : صابرين مراد

ياما كانوا
وياما كنا
هما خانوا
واحنا هونا
هما باعوا القلب شارى
واشترينا رخيص بغالى
هما كانوا الكدب صافى
واحنا كتر الصدق خانا
ياما كانوا ،، وياما كنا

ياما كانا فى القلب نار
من عذاب الاختيار
بين غريب بيحس بينا
وقرب جافي من اللى منا

ياما كانوا ،، وياما كنا

كنت شارى وهما باعوا
انت فزت وهما ضاعوا
اصل مش معنى انه بايع
انك انت شيئ قليل
ولا علشان هما خانوا
يبقى قلبك ليله ليل

بكره شمس الحب جايه
هتملى قلبك كله نور
والصحارى اللى فى فؤادك
كل ارض سابوها بور

تطرح الافراح مزارع
والخضار هيمد ضله
والشجر يفرد وروده
فى قلب صافى ضامه خله

والألم هيزول ،، وحتما
باقية بس الذكرى فيه
بكره تحكى القصة موقف
تنسى كلمة كان مابينا
كلمة واحدة هتبقى باقية
ياما كانوا ،، وياما كنا