الدمعة بتبان في اللقا بقلم الشاعر : علي محمد

الدمعه بتبان فـ اللقا ..
وانا عمر عينى ما دمعت
قدام بنات 
قبلك كتير استوطنونى
بالالم
مسبوش لقلبى غير شوية أرتباك
متجسمين
فـ حروف بيبكيها القلم
وانا بالمفيد المختصر
قلبى المهربد بالندم
نحس خلاص
ومعدش يتمسك بـ حد
ولا عدش بتهمه الحاجات
الضيعه منه فـ الزحام
الذكريات هيا الموالح للغرام
من غيرها
طعم الجى عمره ما يبقى حى
زى ارتجاف الايد من البرد ف دافى
او حضن جالك
بعد مدة من الجفا
او صوت بيهمس
بعد بُعد طويل حبيبى وحشتنى

انا بختصار
من غير أعاده فـ الكلام
كل القصيده كان بدايه كتبتها

"الدمعه بتبان فـ اللقا .. وانا عمر عينى ما دمعت ..قدام بنات"