خلاص قررتي تنسحبي بقلم الشاعر : محمد القديري

خلاص قررتى تنسحبى
خلاص ناويه؟
وهتسيبى همومى تزيد
وانا ف زاوية
لا قادر أقولك الحاصل
هتبنى لحبنا فواصل
وهتغيبى
هتنسينى؟؟؟
هتمشى وسايبة جرح كبير
وترمينى
أقولك سر....
أنا مش هعرف أنساكى
ومش هبعد
هتملى حياتى ذكراكى
أنا بوعد
وأنا عارف أنا الغلطان
أنا الجانى على قلبك
وأنا ف بعدك هعيش ندمان
أنا الغلطان
أنا اللى بنيت فواصل هجر
وأنا اللى بديت معاكى بغدر
لكنى والله حبيتك
نسيت بيكى سنين عدت
رسمت معاكى وإديتك
مفاتيحى ل سنين العمر
معاكى كل أسرارى
وأفكارى
ومشوارى
وشفراتى ف عنيكى السمر