عشق بقلم الشاعر : المهاجر

بعد منك كل شئ عادي وطبيعي
هي بس الشمس غابت
والنهار ف عنيا باهت
والكلام بقي شبه ساكت
والدموع جفت وماتت 
بس عادي
برضو لسه فيا روح
هي اه شبعت جروح
بس فيا لسه روح
لسه بضحك
ضحكه تشبه للعياط
لسه بسهر وسط كوم الزكريات
ولسه بمشي جوا مني
لجل اشوفك
واحضن البرد اللي طالع
من حروفك
واترمي انا جوا غدرك جوا هجرك جوا خوفك
يمكن ادفي
ماانتي عارفه
اني بعشق برد حضنك
والمواجع جوا منك
عارفه يعني ايه بحبك
اعذريني
كلمتين فاضو بحنيني
خرجو من قلبي حاجه
وسط ميلون الف حاجه
ليكي فيا
نفسي بس اسأل سؤال
هو ليه بعد اما سبتي
كل شئ اصبح محال
الحياه صبحت عذاب
والفرح سجل غياب
والاغاني والمعاني والسمر
هو ليه قلبي اتكسر
والكلام ليه انحصر بس ف مفيش
يعني بعد اما غبتي كل شئ رافض يعيش
مش هلوم انك جرحتي
بس طلبي لو سمحتي
متعوديش
قبل منك كنت عايش
وبفراقك بردو هاقدر اني اعيش
راح احبك قد بعدك
ابعدي اكتر وزيدي
واهجري كل الامكان
انتي بين قلبي وريدي
بدر شهده كان ممرر
زيدي دبحك ليا اكتر
كل نزف من جراحي
يشهد انك كنتي ليا
شمس قاسيه
ضيها بيشع عنبر
قد بعدك راح احبك
ابعدي اكتر واكتر