كرهتك يا بحر بقلم الشاعر : مصطفى صبري

.كرهتك يا بحر.
.
.كرهتك لأنك.
.جمعت اللي بيننا.
.ف حبة كلام.
.مكتوبين ع الصخور.
.
.ومسكة إدينا.
.ساعة لما جينا.
.نعدي لطريقك إشارة مرور.
.
.كرهت المكان اللي يامه جمعنا.
.ف نفس المكان برضو كان يوم وداعنا.
.كرهت الحاجات اللي كان ليها معنى.
.وطارت بعيد زي باقي الطيور.
.
.تذاكر ف سينما ريالتو وأمير.
.وقعدتنا ف الصف اللي قبل الأخير.
.وصوتها اللي لازم يطمنلي قلبي.
.وانا لسه داخل أنام في السرير.
.
.
.كرهت الهدايا اللي جت يوم ميلادي.
.لساني اللي كان ليها دايمآ ينادي.
.كرهت الاسامي اللي انا كنت دايمآ.
.بقول دول معاها ، أسامي لولادي.
.
.صورها ويدوب هيا لسه بضفاير.
.شرايط أغاني وحب وغرام.
.وورده فجواب جنب كلمه بحبك.
.ووقفتنا دايمآ ف آخر الترام.
.
.جيلاتي ف يناير.
.على لسان جليم.
.منير يوم ما غنالها ( لما النسيم).
.وكام ألف حاجه.
.وحاجه.
.وحاجه.
.بتربطني بيكي.
.يا حبي القديم.