هدق الهون
وهعصر
قلبي فص لمون
علي عمري اللي
راح ببلاش
هلف الجرح
قطن وشاش
علي جسمي اللي
في الإنعاش
وهفصل
عنه خرطوم الوجع
وانسي ولو موتي
في عين كل البشر كارثه
ففي الاخره
هعيش مرتاح
وهدخل جنة المآوي
ومش هسمح
لنفسي ادوق من التفاح
هعين همي ف جيوب الصبر
وهكتب فوق جبين القبر
" مافيش في الجنه لفظ مافيش "
وهقطع سلك تلفوني
عشان خاطر متشغلونيش
وهشغل زوجتي
بالتوضيب في قلب النيش
و اوضب فرشتي واطلب
بدال الخيش سرير فضه
واقوم اتوضي
من همي اللي فوق
كتف الوجع صدا
واحول نفسي طير بجناح
واعاكس في البنات الحور
لأول مره في الجنه
هعيش مستور
مانيش مديون
ومش هعصرعلي قلبي
اللي داق الراحه فص لمون
إنهاء الدردشة
0 التعليقات