لا عتب بقلم الشاعر : نادر العزاوي

لا عَتَبْ فليسَ من يستحق العتَب

يا حَرِّ الحِزِنْ مِن يكتِبْ ابْدَمْعات
اوْ ياحِزْن الوَحيد اِيدوزِن الْآهات
صَلِف وجه الگمر من يهجر النجمات
اوْ بالدّمعات اداوي اهموم گلبي
الْما حِواهِن عيدْ
او يا عيد اليُّمُرْني
وِنْتَه عنّي بعيد
بَحَرْ حُبّي او عواصِف هايجَه واعصارْ
يا ويل الْمراكِب من بحَر لو ثارْ
جُمّار الْگلُب.. وابيَضْْ دَغَشْ ما بيه
مَيعيش النَّخَل لو يتعب الجُّمار
واني احْبَيِّب ابْ بابَك وادُگَّن بيهْ
شِنو اِنْتَه…. يهودي اوْ ما تحِب خُطّار
گِتْلَك لا تروح اهْناكْ اَخاف الْعين
اخاف العين تِفْضَحْ ولْعشِگ اسرار
اِي غَيّار … صَح غَيّار
عِمَت عينِ اِلعْيون الْ ما عليك اتغار
راح اﭼْوي اِشْفافي اللي تموت اِعْليك
وَخَلْ ليه هبَّعادكْ تُذُكُر الآثار
ما تِسْأَل عله الْمَحبوب يَفلان
وِجيتَك ولْگلُب يِصْرخ سَلامات
حَيَّرني غَرامك يا تَمُر وِجهين
وِجِه كُلَّه حَنان او شَمس تشرُق بيه
او وجه كله قساوه اِمْنِل حَجَر هيهات
راح ابعِدْ… وَاضَل ابعيدْ…
ضَلْ ابْعيدْ
راح اتعَب ولا أهْواك
وَدْعي اِعليك
وَدعي اِعليك
وَادعي اعليك
خَلَّصت العُمر ويّاك
بسْ لوعات
تِلگاهَه حبيبي ابَّگلْبَك الْلاعوب
او تِلْگاهه حبيبي ابْجِسمك الطّعنات