حبيبتي بقلم الشاعر : مصطفى ممدوح

"حبيبتي"

حبيبتي اللي بتعمل أزمة للشعراء .. وللمعنى
مافيش وصف اتكتب إلا
وقال التاني : "إشمعنى ؟!!

مانا عايز أنول الفخر واتخلد ..
كفاية عمالين نوصف بنات غيرانة بتقلد !!"

مافيش في الدنيا شيء شافها
بدون مايسمي .. ويكبر ،،
أنا عاشق تراب حسد التراب اللي
بتمشي عليه ..
وتتمختر ،،
وسحرها لما اقول عاشق ،،
خجلها يرد : انا أكتر !!

حلال السكر في عيونها
وإهدار الغوالي فداه ،،
كفاية كل ما بشوفها
بينطق كل شيء فيا يقول الله !!!