مولود جديد بقلم الشاعر : محمد صبري

لما سلامي بيوجعك
طب أودعك؟؟؟!!
وننطوي تحت اللوا
زي ما غيرنا إنطوى
إيه بس إيه هيهزنا
حبة دموع !!!!وقت الرحيل!!!!
في القرب بندوق الألم
أكتر كتير
وإنتي ربطاكي شعرة
متنسلة بطرف الفتيل
حبيبتي
مش انا الشاطر حسن
نكس رايات المستحيل
حاولت ياما
لكن فشلت
أشد ف الصاري يميل
وإن كان بإيدي
أفك أسرك من عنيكي
وأمحي ضلي إللي ساكن
لسه فيكي
وإن كنت أقدر أرجعك
مولود جديد
صدقيني
هرجعك
طالما ولحد النهاردة
لسه شوقي بيوجعك