المعاكسه بقلم المبدعه/ جنى هاشم

المعاكسة
..............
عاكسني بكلمة حلوة
وغنوة وكام موال
وغني وقال
يا بطة عايمة في المية
وملفوف حوليها البط
عطشان ريقي ناشف حنية
ونفسي في المية انط
....
و أنا عاملة مش واخدة بالي
رميتلو نظرة ملوية
النظرة معناها يا سم
وانا قصدي كمل ملاغية
سمعني يلا أنت يا عم
قصيدة الغزل المشهودة
وبخفة دم موعودة
قال :
يا غزال ماشي بيتمخطر
بلاش علي قلبي تتقل
....
سبته يكمل وأنا ساكتة
بصراحة الواد اصلة حيلاوة
وملامحه مسمسمة ومقطقط
وعيونه جبارة وبتركن
علي قلبي المايل
فيفضفض
الواد بسلامته متيم
وبخيوط الشوق متربط
وصدمني بكلمة في الاخر
( يا عم انت بكلمة عبرني )
وكأنه كان بيفوقني
حسيت اني ماشية ع الهوا
خفيفة الخطوة رفعاني
حوليا طيور بيتغني
وخيوط لفوق شداني
واختلفت موازين الكون
وكأن نيوتن اكتشف
سر الجاذبية السمواية
بدل الجاذبية الارضية
فتحت عينية اتاريني
في حلمي كنت غرقانة
ايديا بيتترعش
وفي عز البرد عرقانة
اتاري الحلم كان فاكس
معاكسة خفيفة وايه يعني
بجد بجد دي المرة
كان نفسي فيها اتعاكس