الشعر بقلم الشاعر : علاء أحمد

الشِعر لو هايحب دايماً في البنات 
الشعر لو صوت السكات 
يبقى عم الشعر .. مات 
.....
الشعر راجل بس مش مهووس حريم 
الشعر حكمه واللي كاتبُه مش حكيم 
الشعر للمحتاج كريم 
مع إنه برضُه مش الصراط المستقيم 
.....
الشعر بنوته وياقوته بتستحي 
مش فطره فينا بتتحمي ... باسم الجراءة 
الشعر مبدع بالبراءة 
....
الشعر مش حبة قوافي على السطور 
الشعر مش ترتيل طلاسم ع البخور 
الشعر نور 
الشعر زهرة اتفتحت على أرض بور 
الشعر كلمة حق في وش زور 
.....
الشعر مالهوش إنتماء 
الشعر أين طلبته بالنصره جاء 
الشعر للسامع دواء 
الشعر داء 
....
الشعر مش كلمة نفاق ولا مصلحة 
الشعر مش للنحنه 
الشعر وسط المدبحة 
بيقول لشيخ المسبحة 
بيقوله لأ 
تسبيحك اللي المولى فرضه 
لفظ حق