وقت الشتا بقلم الشاعرة : مروة جابر

وقت الشتا

أول سحابة شوفتها
متكونه
كانت نتيجه إصطدام
عصف الوجع
وبين ملامح قلبها
كتر المطر
غير كتير من شكلها
بدأ الغيام يرسم ورق
شكل الحياه
إسود ولكن حبة ضياء
باقين لها
شكل النصيب
حبه خطوط مش مفهومين
أحلامها جوه مركبة
وسط البحور
تقدف وأول
مايعلى الموج تدور
فيغطى موج كل البحور
على حلمها
صياد وراكب مركبه
يرمي الشبك
يتعب عشان لو ليه نصيب
إرمى الشبك
وابعد اوي
أول ماتلقى شمس غابت
من المحيط
وإياك تكون تشبه سما
وقت الغيام
إشبه مطر
هتشم ريحة الشتا
ويكون نتيجة المطر
لون الشجر
حبة ورود متفتحين
هى الحياة تشبه مطر
م الناحيتين
بتكون غيام ودموع مطر
وقت الوجع
وبتروي ياما العطشانين
هى الحياة تشبه مطر
م الناحيتين