كان نفسي يا بويه بقلم الشاعر : حامد عامر

كان نفسي يابويه تفك الخط
تقرا اللي أنا كاتبه
وتقولي ياواد شعرك مكسور
شايفك للفكره دي بتأصل
الجمله الشعريه دي ناقصه
وتعبت معاك..
والقافيه كمان كانت سارقاك
النيش والشيش
وكتير بتكرر حرف الواو
القفله كمان دي ما هزتنيش
إكتب بمزاج..خليك نساج
كام مره أقول ظبط نولك
يحرقهولك..
علمك الرط..
كان نفسي يابويه تفك الخط
وتقولي الشعر فعرق الناس
الشعر أساسا ضربة فاس
ميجوزش تلين
الشعر عشان ينبت جواك
يحتاجك طين
ويا إلا تصير خاوي على عروش
الشعر يا واد كل ما يغلا
مايجيبش قروش