واللي سايب بقلم الشاعر : عمر أبو عجمي

واللي سايب واللي دايب .
واللي موجود بس غايب.
واللي ملامحه ساكنه فينا
مهما نبعد نعود حبايب
واللي مش فاهم وعامل إنه 
ناصح
واللي مبِيتحملوش حتى حبايبه
وكيله طافح
واللي جارح
واللي فاهم نفسه فالح
واللي يتكلم في عشقه
واللي ينكر إن حبه هو رزقه
واللي يعشق حد صح
واللي يعشق صح لكن
عشقه يجي ف ناس بلح
واللي فاكر حد جرحه
وهو وحده اللي إنجرح
واللي قلبه بجد عاشق
واللي ملوش في الحب شئ
بس رمى قلبه وراشق
كل دول ولسه تاني
مش مهم الناس تقول
مش مهم إنك تجرب
المهم إن انت تتاكد بجد
إن انت عاشق .