'وبعد الجرح ما اتغرب بقلم الشاعر : ياسر موكا

'وبعد الجرح ما اتغرب
وهاجر كل أراضينا
وداب الدمع ف عنينا
فكان حتمآ نقول شكرآ

يا كل المجروحين قبلي
يا كل المخدوعين بعدي
ياكل المشتاقين للشوق
تعالوا اتعلموا ف بُعدي

أنا شاكر
بنات قبلك كانت سلم
عشان أوصل أكيد ليكي
ولو بعنيكي هأتكلم
هأقول كل الكلام فيكي
أيكفيكي ؟

أكيد طبعآ هايكفيكي
عشان طبعك بسيط جدآ
لكن بصراحه لو هأحكي
يفوت عمري فدا عنيكي

أكيد محتاج لعمر كمان
عشان أوصفلك الألحان
وصوت المغني في صوتك
وعودك ده اللي غصن البان
يغير منه

ولو شافِك طيور الصبح
هايغنوا
يامحلى طلت الأنوار
بلاش تكوي القلوب بالنار
كفايه اللي انكويت منه

هأنام دلوقتي أنا وأحلم
بطلت حُسنك الباهى
فلو وسط المنام جيتي
بلاش تفتكري أوجاعي
وكلمه أخيره اقولهالك
صباحِك خير

صباحِك خير يادنيايا
صباحِك بالورود ياسمين
صباحِك جنة العاشقين
وقلب سعيد وشجرايه

صباح الخضره ف عيونك
و١٠٠ عصفوره بتزقزق
وشمس جديده بتشقشق
وترسم ع الخدود بساتين
صباحِك خير