مكسوره كلمات /الشاعر سامي محمد

مكسوره وبتخافى تقولى
قدامهم انك مكسوره
وكأن مشاعرك محسوره
يا حزينه بتضحك ف الصوره
وف وسط الضحكه دموع بتبان
النص الفاضى ف كوبايتك
كان اكتر م النص المليان
موهوبه ف ترتيب احزانك
بتاريخ ومعاد ..
موهوبه انك تخفى مشاعرك
سرحانه ف قلبك وكأنه
اوطان وبلاد
وشوارع زحمه ودوشه كتير
اصوات عصافير على كام حاره
محشوره ف روحك صناره
تصطاد معاناتك ف الدنيا
وتزود من عندها معاناه
الروح مسكينه ولا بتحكى
البنت اللى تبطل تبكى
قلبها بيعيط من جواه