صبح على مصر بجنيه
صبح يا باشا ويا سعادة البيه
صبح وما تقولش مصر هتشحت ولا ايه
كل واحد فينا لازم يفدى بلده بعينه
صبح لأجل الحرامية اللى سرقوها
صبح عشان السجون اللى بالشباب مالوها
عشان الناس اللى قالت الحق فسجنوها
صبح عشان كشوف العزرية اللى من السجون
رصدوها
صبح يا متغرب على بلدك بس بالدولارات
صبح أصلك ماسك هناك قسم الماليات
صبح انت بتعبى فى شكاير عشان تعوض اللى فات
ابعتلنا شوية فكة احسن مانشحت قدام العربيات
اصلنا هنحقق التنمية بس مش دلوقتى فى الستينات
صبح أصل رز الخليج مش كفاية
صبح وادفع أصلك محتاج حماية
أنت متاكلش عشان بلدك تعيش اصلك مش محتاج عناية
المهم نكون كدا وندفع فلوس لبدلنا بزيادة
صبح على قناة السويس
صبح وخد على قفاك واسكت عشان تعرف تعيش
اوعى تكون إخوان خليك صايع واشرب حشيش
صبح على مصر بجنيه واوعى تقول ما فيش
صبح يا أخى كأنك بتدفع بكشيش
#صبح_على_مصر_بجنيه
#نص_جديد
#الشاعر_البكواتى
0 التعليقات