منى عمر / تكتُب عكس السير

وأنا ماشى بعكس السير
وعكس بيوت محوطانى
وناس م البعد شيفانى
فـ حدوتة هلامية من الأساطير
ونــاس ضحكتها بتلالى
وناس نظرتها تحلالى
وأنا مكمل ولا فــ بالى ... بعكس السير
❥ ❦ ❧ ❃ ❂ ❁ ❀ ❥ ❦ ❧ ❃ ❂ ❁ ❀
بعكس السير
قابلت الماضى والذكرى
وناس نسيونا من فترة
وحدوتــه زمان كانت .. فــ رسمة قلب فوق شجرة
قابلت جيران
وخوفنا زمان .. على دمعة فـ مشاعرنا
على كلمة زعل بينا
على بنت الجيران لمــا
بتتعاكس .
على أفراحنا واللمة و بيت هايص
وأنا ماشى فى نور الله
حاولت أسأل ..لقيت درويش فى بيت الله
وكان زيى بعكس السير
❥ ❦ ❧ ❃ ❂ ❁ ❀ ❥ ❦ ❧ ❃ ❂ ❁ ❀
يا سى الدرويش ...
انا ميت وجه دورى وروح تايهه وخُــف الريش ..
أنا دمعة كفن فى تراب ..
أنا عاشق حبيبه وساب ..
أنا اللى العمر راح منه
وعاش زاهد رغيف العيش
لقيت الصوت بيتحول / ملانى الخوف
وطوله زاد حدود الكون ومد الشوف
بصوت مرعوش بكيت روحى
على ناصية فراق العمر / وش بشوش
بيدوى حسه فــ جروحى
سايبنى لمين ؟؟
رد الصوت بصوت مستـــاء
فراق بفراق
فــ عز اللمه كان مشتاق
فـ عز ما قلبه كان بيغنى للموال وللعاشقين
صب الكاس مراره وداق
فــي وجع الداء ما كان لاقى حنان بيضم
طعم الملح كان حاضن فــ قلب الدم
كان الحمل كله تقيل
صراخ مكتوم فــ سكة ويـــل
فمش فارقه حياته
ما هو ميت وضايع جوه حضن الأم
❥ ❦ ❧ ❃ ❂ ❁ ❀ ❥ ❦ ❧ ❃ ❂ ❁ ❀
وفجآه قومت من نومى وأنـــا لسه
ما بين الحلم واليقظة
ولحظة صمت ما بترسى
بكيت . والنبض فيه غُصة
وآه يــا نـــا .. يـــا شمس العمر
يا ذكرى حب أنفاسى
يا عشق و ع الفراق بيمر
يا حضن عشته فــ ضلوعى
وضـــاع مِنى فضـــاع العمر
أنا عايش .لكن ميت فــ قلب السر
وسرى فــ الضلوع بايت
وضلعى جوه قلب الجمر
أنا عايش ومتكبل
أنا عايش لكن مش حـــر
كـــلماتى
منى عمر