أنا الحرية بقلم / خالد الدسوقي

أنا الحريه !!!
أنا الحريه إللي ناديتو بيا في الميدان!
أنا الحريه إللي ماليش بينكو مكان !
أنا الحريه إللي ناديتو بيا في الميدان
والميدان إتقفل بابه وماعدلكوش جواه مكان!
حريه كلمه ..بتنطقوها !
حريه شوفو مات فيها كااااااااااااام إنسان!
حريه إزاي هتحسوها..بعد ماضاعت كرامة الإنسان؟
دلوقتي حالآ يمكن تثوروا عليا وتتهموني بالجنان
ودي حاجه متوقعه وعاديه ف زمن ضاعت فيه ..
حريه الإنسان !
حريه إيه بعد ما إتقفل الميدان !؟
حريه إيه ياشعب صامت !ولو إتكلم يتهان!
حريه إيه وإللي يقول الحق..منها يرحل!
وإللي يجامل بالكلام ..هوا دا إللي فيها يفضل!
طب والطواري إللي لما الشباب دي ثارت
وقلتو هتلغوها ...
ليه قفلتوا الميدان وبدأتوا من تاني ترجعوها!؟
حريه كلمه ف مصر ....
إحنا مش بنعيشها..إحنا بس بننطقوها!!؟
أنا الحريه
لملكة الصمت!
من ديوان من أول الحلم
برعاية زحمة كتاب
Khaled Desoky,,أحمد السيد قروم،،محمد السيد قروم
أعجبني