مصطفى صبري يكتُب / علبة سجاير

.علبة سجاير.
.مج شاي.
.أربع حيطان.
.نفس المكان.
.
.ورقه وقلم.
.وقصيده طالعه من العدم.
.
.مشهد بيتكرر كتير.
.بس القصايد تختلف.
.مابين فراق ومابين لقا.
.وحاجات لا يمكن تتفهم.
.وحاجات لا يمكن تتعرف.
.
.الحبر متجمد ف أنبوبة القلم.
.رافض يعيش فوق الورق.
.أصبح بيعشق وحدته.
.رافض ظهوره على الملأ.
.
.صوره لوطن.
.وميدان كبير.
.مليان بناس كتير كتير.
.والغنوه طالعه من الكاسيت.
.بصوت منير.
.
.شجر الليمون دبلان.
.والصوره بالألوان.
.
.علبة سجاير.
.مج شاي.
.أربع حيطان.
.نفس المكان.