مفجوع بقلم الشاعر : محمد صبري

كفاني برد....
عايز اتغطي واتدفا
صوابعي متكتكة لسه...
ولما رجليا راح تدفي.....
اوام بقا اجوع....
بس القومة من تحت اللحاف
ممنوع
و مهما معدتي تكركر....
كفاية....
م تكركريش اكتر
عشان وبجد مش ناوي.....
بتاتا اقوم
يا سلام لو شوية شاي...
طب مين يعمله....
وازاي...
منيش قايم ...
ولو حتي الطلب مشروع....
راح أشد الغطا ع الراس
واتكلفت كما الميت
اصل نومي هوا الحل
يا بخت
ظهري
وراسي
وصوابع رجلي
وقفايا
وهاكل واشرب واتفرج
كمان
في الحلم
م انا ديما لاحلامي
بكون مفجوع