مبروك الخطوبة بقلم الشاعر : سمير شومان

راح يتقدّم علشان يُخطُب
بنت جميله قوي شغلاه..
لُبِس إتّشيّك وعشان يعّجب
خد تورتايه كمان وياه..
..
أُمه قالتلُه إستنّه إتئنّه
إسأل يا إبني عنها شويه..
قالّها قلبي إختارها يا أُمي
دي هتحلّي حياتي الجايه..
..
راح وإتقدّم وجوّه صالون
وبعد كلام وسلام وتحيّه..
قالّه يا عمي عايز أناسبك
طالب أنا إيد بنتك ليّا..
..
هتكون يعني معايا سعيده
وهعيّشها عيشه هنيّه..
ولا أخليها تحتاج حاجه
أنا راح أشيلها جوه عينيّه..
..
رَد أبوها وقالّو إستنّى
حيلتك ايه يا إبني من الدُنيا..
قالّه أنا حيلتي يا عمي شهادتي
طالع الأول ع الكُلّيه..
مُش هتصدق اللي هقوله
أنا مجموعي 100...ل...100 ..
يعني " مُعيد " إن شاء الله
بس أكيد في الدُفعه الجايّه..
..