لأنني مصري بقلم الشاعر : أحمد الزعيم

(لأنني مصري)

أنا المصري ،،
،وإسمك لسه ف بطاقتي بيلعن فيكي كُـل صباح
أنا اللي إرتَـوت أرضك مِن بحور دمِّـي 
وِقِدت عيوني لأجل الجّهل في ضلوعك
وشيلت هموم فساد نيلك على همي- وكِيف يَـمِّك أكُـونلك فيه غريق سَـبّاح؟!
وكِيف أسقي شقوق أرضك مِن حلاوة الروح.
وإنتي بتـزرعـيني جراح؟!
أنا لِسّه بعيش الحلم فيِ شوارعك ،
وألَمْلم قلبيَ الأبكم يكون سامعكْ -تهِـيني الحلم جـوّايا
ولسه بُـكايا مش كافي عشان يروي،
حنان الأم جوّاكي ..!
طموحي لأجل أعيش إنسان - بيرسملي "الجواز" روحي بعيد عنك وأسلاكي.
وقلبي يبقى ليه جناحين بيتسابقوا،، على اللي يحضن الغُربة، لَـكنّ العِش مش قادر،،
يسيبك حَيرى ويهاجر
وأعيشها حياتي فـ الغربة وعنك قلبي مش سائل.
ومش قايل لسان حالي ما غير عَـنّـهْ :
وهل تبقى العُشوشْ ع الفرعِ وأصل الشجرة مِتّـاكِل؟؟
...
(الفكرةُ لم تنتهِ بعد، وللقصيدةِ بقية إن شاء الله، وستمتد الحروف بِمداد أوجاعِ المصريين طالما لم تشرق شمسُ أحلامنا)