لمَّا أبقى مصري بقلم الشاعر : شعبان علم الدين

لمَّا أبقى مصري
وأرضي أرض النيل بلادي
فأتهان في بلدي 
أو بره بلدي أتقتل 
تنداس كرامتي ويبقي صمتي
ده شئ طبيعي وبرضوا عادي
ما أنا أصلي مصري
وكلهم عارفين وحافظين حتى سعري
أرخص تمن للدم بين كل البشر
دمك يا مصري
فأوعاك تغني في يوم وتضحك ع البشر
وتقولي غنِّي (( قومي يا مصري ))
المصري مش قايم خلاص
المصري أصبح سعره حصري
والعرض ساري للسعودي
واردني يذل في كرامتي
أو كويتي إزاي بيتفنن في عصري
ما أنا مهما جيت أو حتى رحت
أنا إسمي مصري