بلاش تبكي بقلم الشاعر :إبراهيم غنيم

بلاش تبكي ...وسيب للفرحه أوتارك 

ورحب بالأمل جدا وقابله بحضن لو زارك

وعذب في الدموع بالفرح ...وخد من حزنهم تارك

وخلي الضحكه ليك عنوان 

وسيبها تزين اللوحه 

تبان لو حتى مجروحه 

بتضحك ضحكه بالألوان 

وسيبك م اللي (غرقانه )

وروح إتعلم إنت العوم 

ولو تعبانه عديها 

دا من إمته اللي كان بيدوم 

وأقولك كلمه ليك يا بني وللأولى 

ياريت تسمع كلام الطقس والأرصاد

وتخلع همك الصيفي

وتلبس م الليلادي هدوم 

لأن السقعه لو زادت 

هتبقى سعادتك المرحوم