أنا الجنوبي اللي اشترى التروماي
علشان يركب فقرا مش أغنيا
كان أمله يعدل كفة الأوطان
وحلف ما ياخد أجره من واحد
ركبوا الغلابه والتذاكر جت
سبولو مله وقلقلوا الأموات
حبسوه بحلمه ف تنيه القفطان
قتلوه وطرطش دمه عالبوتيكات
نكته جديده بحق يا أسيادنا
دفعوا الغلابه وضحكوا وياهم
سوق بينا يا أسطى سواقة الأوليا
ومدد بتسند كل بطن جعان
النكته دي بتضحك الأغبيه
رغم البواخه وكلها أحزان
والنص ده مُهدى إلى ذاته
أصل اللي ركبوا كلهم ماتوا
ما أعرفش إسم الشاعر المفقود
لكنه ضحى عشاني بحياته
0 التعليقات