لو جاي تسأل ....بقلمالشاعرة / صابرين مراد

#‏لو_جاى_تسال‬ياللى إنت جاى تسأل
وتقول دى بتكون مين ؟
أنا سقيت الورد
ماجنيتش غير أشواك
وأنا اللى صنت العهد
ياعهد أنا حفظاك
مهما يخون إللى خان
هفضل أنا صايناك
بالقرب أو بالبعد
هصون ولو لسنين

وأنا إللى كنت بدور
جوا القلوب بالدور
وأزرع جناين ورد
كان فل أو ياسمين
وأنا إللى " حب " هديت
وما خدت بس أديت
ولما جالي الدور
لآخد قالوا اتجنيت
وكان نصيبى الشوك
من بذر كان ياسمين
وأنا إللى كتفي اتحنى
وكف إيد ما اتنى
وكل قولتى " الغير "
عمرى ما قلت " الأنا "
فجأة لقيتنى وحيد
والكل قال ماشيييين
يارب ليك شدنى
واهدينى لا تهدني
واجعلنى ممن غدى
بالروح وبالرياحين
واجعلنى زى الألف (أ)
واقف وشاد الحيل
واجعلنى ممن ألِف
يقرا الكتاب بالليل
ولا تحنى منى جبين
لعزيز ولا ابن ذليل
ولو الأسى مكتوب
لازم تشوفه العين
اللى انت جاى تسأل
وتقول دى بتكون مين
باين فى كلماتى
انى انا صابرين
‫#‏صابرين_مراد‬‫#‏ديوان_اسطورة‬