يارب أغفر لنا .... بقلم / منير خاطر

يارب اغفرلنا وسامح
انت غفار الذنوب

زمانا ملهوش ملامح
وكله ماشى بالمقلوب

المبدأ مع الطموح رايح
مدام يتحقق المطلوب 

بكره بنعمله امبارح
والشمال نخليه جنوب

ليه ضميرك بقى ناقح
الشرف مبيملاش جيوب

الضمير بيعطل مصالح
اضحك وخليك حبوب

انسى ومتبقاش كالح
وللا غاوى تبات مغلوب

لو مكنتش لئيم وقارح
هتنام كل يوم مضروب

وابقى قابلنى بقى يا فالح
لو خدت حقك المسلوب

منير خاطر