حلم ناس تانيين .... بقلم / وليد مقار

قصيدة #حلم_ناس_تانيين
***
اوقات بتخيل ان احنا
(انا و انت و باقي البني ادمين)
ملناش في الدنيا و جود فعلي
واننا اصلا مش حقيقيين
وعيشتنا دي ممكن تطلع وهم
او حلم بيحلمه ناس تانيين
اكمن حياتنا بقت فوضى
لا هي خاضعة لمنطق ولا قوانين
جرايمنا بقت فوق المعقول
غلطاتنا ما عادش نافع تتعد
الكره معشش في قلوبنا
ومحدش فينا بيقبل حد
بنهادي لبعض باقات الشوك
بنخوف بعض اوي من الورد
وايدينا اللي المفروض تبني
بقا ليها فنون في امور الهد
فساعات لما ارجع للواقع
بتمنى خيالي دا يقلب جد
واستنى النايمين دول يصحو
و يحطو لكل الدوشة دي حد
#بث_كدا
#وليد_مقار