هشام الدكر / يكتُب : مشتاقة ليك

قصيدة:(مشتاقة ليك)
.............................................
مشتاقة ليك رغم الفرقه
ما بيني وبينك انا بناديك
بتقولي ايه مشتاقه ليا
بعد ما مات نبع الحنيه
بعد دكل اللي عملتيه
كسفتيني ورحتي وسبتيني
علشان واحد حبك غيري
بعد مسابك جيالي تاني
بعد ما سبتي الحب الصافي
جايه تقولي مشتاقه ليك
أثق إزاي انا في حبك
ليا بعد ده كله
ده انتي لو جالك
واحد تاني ومعاه مهيه
او حتي حتة عربيه
بسهوله خالص هتروحي ليه
فاكره ايام كانت بينا
أيام ضحك ولعب وحب
عجبتني خالص حكايتنا
بس عجبني اكتر تمثيلك
إنك واهبه حياتك ليا
كنتي حياتي وروحي وعقلي
كنت بحبك حب خيالي
عنوانه هو الإخلاص
هه بس صحيح ظهر الإخلاص
سبتيني وكسرتي القلب
اللي كان محفور عليه اسمك
بس خلاص.
اسمك يستاهل ينداس
هتقوليلي دي كانت غلطه
اكبر غلطه حبي إليكي
معيزش اسمع في كلام تاني
كفايه رجعتيني لأحزاني
عمري ما كنت أتخيل ابدا
قلبك صلب. تكسري قلب!
ده كان قلب نبضلك يوم
واظهرتيلوا إنتي الإحساس
بس كان لازم ينداس
علشان معرفش يختار خالص
هو اختار علي اي أساس
بس ازاي انا اظلم قلب
المفروض اظلم إنسان
بس بجد أنا اتعلمت
اني ميكنش قلبي رهيف
او أتكسر مالأحزان
إني ابقى زي النبته
ومأبقاش زي الأغصان
................................................
بقلم الشاعر/هشام الدكر