Ramah Ramahمجلة فريق حالة شعر
((((صاحبي الجدع)))))
صاحبي القلم
لما رسم
روحى البريئه المذنبه
مكنش ناوى يكون طرف
وتطلعه بالنظره
داعى من دواعى
قد تكون فعلا ترف
غرضه الشريف
طالب يكون جسر الالتزام
وصباع جرئ للاتهام
عايز يوثق ف الحدث
سن القلم قلبه اتقصف
لما وصف
لما جرح نبض الورق
لما سرق
حبة قلق
وكشف حجابها وسترها
غض الطرف
عايز يصون عين الظنون
اللى بتلوى دراع شرف
ونده على حد السطور
وطلب تغطى اللى اتكشف
العوره مش جسم البنات
ولا صوت مثير ولا مغريات
العوره ممكن فى الحروف
لما الكلام بيعرى خوف
لما يبوح الطير على
كتف الوجع
صاحبي الجدع
لما اكتشف
انى الضعيف
فضل يعيش كائن كفيف
ولا انه يجرح سيف حيائى وعفتى
مد الايدين مهوش دليل
على نيه صافيه فى سكتى
مد الايدين بالطبطبه طعم اتعرف
كل المبادئ والقيم حكم اجتياز
ضمن المراحل معدمه
ممكن تكون بالانحياز
ل أصول ضعيفه ومبهمه
مد الايدين بالسلب مش بخل إنما
يشبه كتير للجهل عمدا
عندما
العلم بالشئ قد يسوء
وانا قلمى طوق
راكب جناح
سارح على سلم براح
يطلع يزور كل اللى غابوا عننا
يطلب سماح
يرجع ليلاتى وحضنه
فيه ريحة دفا
انا لسه عايشه
جنب قلمى اللى م صاحبنى
وكفى
#صاحبي_الجدع
#فراكيش
#رماح
0 التعليقات