ميرفت شوقي / تكتُب : صباح العزة

صباح العزة والثورة
صباح خالى من الاحزان
وطلب الحق مش عورة
ومتشرع له فى الاديان
- صباح سكر صباح نادى
صباح طفشان من العتمة
وبيدعبس على الافراح وبينادى
وللاحزان يكافئها بميت صرمة
- صباح خالى من الاوجاع
مدام حامد لرب الكون
ومهما يئن او لو جاع
يكون ساجد منين مايكون
- صباح الطهر والعفة
على اللى ماشى متلخبط
تركنا الزفة والدفة
مين ثاير ومين اتبط ؟
- صباح ماشى على مهله
حسبته راسى بيدلع
وهو ينادى على اهله
يخشى الكهارب لتولع
- صباح الثورة والميادين
ومش نادمين على حالنا
اما اللى ماتوا من العيشين
بكفاية ليهم ما ملنا
- صباحكوا عدى عل ماشى
وان قالى حد بكفايه
راح اقوله من عينى وماشى
واضرب له تعظيم بكفاية
صباح الخير,,,