الشاعر إسلام النبوي يكتُب / ميصحش كده

#‏ميصحش_كده‬
يا ريس ميصحش كده
صوتي إتنبح من الندا
مش كل كارثة وميت فشل
أكون أنا كبش الفدا
أنا شعب معدوم الأمل
وطموحي يدوب وجبة غدا
وشبابي مش لاقي عمل
وصوته مكتوم ملوش صدا
أنا شارع من الزبالة إتقفل
أنا جهل واصل للوحل
أنا جيل محكوم عليه بالفشل
ومع كل ده بنقول رضا
بنقولها خوف من المعتقل
بنقولها وملينا الزعل
وتقول نجوع مش مشكلة
ومع بعض هنكيد العدا
يا عم ميصحش كدا
طوابيرنا عدت المدي
فواتيرنا نار متجددة
وتقولي ميصحش كده
تعليمنا في أسوأ منزلة
والصحة آخر مهزلة
وأحكام غريبة ومخزلة
من ظلم لتعريض من القضا
وتقولي ميصحش كده
طب والله ميصحش كده.
‫#‏شاعر_مشع‬