الخوف صنعة بقلم الشاعر : محمد حمادة

فرعون وداق الفرعنه 
قالولوا توب كشر 
مسكين وبعد المسكنه 
لبس الحرير ما إرتاح 
قاتل وشاف حال البلد 
إتهز وإتأثر
هو إحنا موتنا من الوجع ؟!
ولا النزيف دبّاح !!
إنسان وخوفهُ المُصطنع
غمم عينيه وسيطر
لا الطيبين إتمكنوا
ولا كان لظلم فلاح
سبع الرجال بعد اما طال
قام إفترا أكتر
بعد اما ساء الحال
إتهد وإتكسر
وجواب لسانه كان
لا ف بَحرى بلقى من الزبد
ولا ع الضفاف مرتاح
أيا صانعين التاريخ
لو يعنى فى الإمكان
خِفوا من التقليد
وإتخلوا يوم عن كدب
جعل الحقايق زيف
إنا لمُنقلبون
والروح يادوبك ضيف
كترتوا م الأمثلة
وزرعتوا فينا الخوف
قولتوا اللى حاكم نبى
والمحكومين دول بَلَاا
هو بقى يعلى
وإحنا بقينا مداس
بالهَم يا عايشين
ع اللُقمه بالهروله
حوالين مقام بنطوف
ونسينا رب الناس